الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
شــــات كــرز
بحـث
 
 

نتائج البحث
 
Rechercher بحث متقدم
شــــات كــرز
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط منتديات الحب على موقع حفض الصفحات

قم بحفض و مشاطرة الرابط على موقع حفض الصفحات
ساعه
>

بيت الغرام
أختر لغة المنتدى من هنا
.

شاطر | 
 

 قصة جراح ويوسف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
yAs$!N
عضو جديد
avatar

عدد المساهمات : 15
نقاط : 17
السٌّمعَة : 30
تاريخ التسجيل : 10/06/2011

مُساهمةموضوع: قصة جراح ويوسف    الجمعة يونيو 10, 2011 3:41 pm


جراح ويوسف ربع من زمان وتعرفون المواقف والدقات اللي تصير بين الربع

بس هالمرة الموقف اللي سواه يويسف بجراح

موقف ضيع حياة جراح

خلونا نشوف أحداث هالقصة ويا بعض




lililililililililili


جراح كان داخل الجات بنك (( أدور على حب )) والحبيب داش جو مو طبيعي

وطايحله سوالف مع بنات خلق الله

إتصل عليه رفيجه يوسف ودار بينهم هالحوار


جـــراح : ألووو

يوسف : ألووو هلا والله جراحووو

جـــراح : هلا فيك حبيبي .. ها خير آمرني

يوسف : شنو آمرني .. ! تصرفني ويا ويهك

جـــراح : لا والله بعد عمري إنت بس آنا منهمك بالجات قز قز مو طبيعي يويسف وناسة

يوسف : ممم خوش عيل شنو نكك .. ؟

جـــراح : ليش بتدخل علي .. ؟

يوسف : لا والله آنا وين والجات وين خبرك عتيج ما قمت أدخل زهقت منه

جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالجات

يوسف : أي رمان وأي فواكة .. ! حبيبي هذول بنات مو خضرة لوووووووووول

جـــراح : ههههههههههااااااااااي

يوسف : أوكي حبيبي آنا ماشي الحين بروح أنام تامرني على شي .. ؟

جـــراح : لا قلبي سلامتك نومة العافيه انشالله

يوسف : الله يعافيك .. تصبح على خير

جـــراح : وإنت من أهل الخير

يوسف : باااي

جـــراح : بااايااات


طبعا يوسف مافيه النوم وأصحى مني ومنكم بس أهو مجهز موقف ودقه محترمة حق رفيجه جراح



يوسف دخل الجات ودخل بنك (( أبي واحد يحبني )) يعني منتحر شخصية بنية

وقعد ينطر وينطر وياكل بطاااط و بيبسي

لما دخل عليه نك (( أدور على حب )) لوووووووووول

اللي أهو جراح



جراح المسكين ما يدري عباله بنيه صج لوووووووووول



ودار بينهم هالحوار


جـــراح : مساء الخير

يوسف : مساء النور ياهلا

جـــراح : شلونج شخبارج

يوسف : الحمدلله زينة .. وإنت شلونك

جـــراح : آنا بخير دامج بخير

يوسف : دوم انشالله مو يوم

جـــراح : تسلمين ما تعرفنا عليج يا حلوة

يوسف : معاك شيماء وإنت .. ؟

جـــراح : عاشت الأسامي .. معاج جراح

يوسف : عاشت أيامك .. الله إسمك يهبل وااايد حلو ستاااااااااايل

جـــراح : تسلمين من ذوقج .. مادري شلون بنام اليوم

يوسف : لا آنا قلت إسمك يهبل مو إنته .. وبعدين تنام ما تنام كيفك

جـــراح : أووو ليش جذي تكسرين فيني .. آنا زعليت خلاص

يوسف : آسفة

جـــراح : لا كلا واحد .. شيماء جم عمرج .. ؟

يوسف : 18 وإنت ؟

جـــراح : 19

يوسف : العمر كله .. الله إنته أكبر مني

جـــراح : طبعا طبعا .. يالله روحي سويلي بيض طماط بسرعة

يوسف : واي حدك واثق

جـــراح : طبعا واثق .. شيومه شلون الجات معاج اليوم .. ؟

يوسف : يعني .. وبعدين تعال ليش تدلعني .. ؟ من عطاك الحق

جـــراح : تنساني وتروح وحده وحده حتى أستوعب كلامك والجروح

يوسف : واااي ملاقة

جـــراح : شيومة شيومة

يوسف : هلا خير

جـــراح : لا بس قاعد أجرب الكيبورد .. لوووووووووول

يوسف : لوووووووووول .. تصدق عاد إنته تهبل تونس وااايد .. شكلك ما تحب ولا جربت الحب

جـــراح : لا والله ما صار نصيب وبعدين ماكو اللي تستاهل أحبها

يوسف : إي والله صاج .. بس في بنات شحلاتهم يهبلون وأخلاقهم وايد حلوه

جـــراح : إي شيومة في بس قتلج للحين ما صار نصيب

يوسف : إنت مشالله عليك روحك حلوه تضحك وتونس الله يخليك حق أهلك

جـــراح : صج .. ؟

يوسف : إي والله صج .. آنا ما حب أجامل أحد

جـــراح : بعد عمري والله

يوسف : شنو .. ؟

جـــراح : آسف إطلعت عفويه من غير قصد

يوسف : لا عادي

جـــراح : ممم أنا ما أشوفج تضحكين وايد ليش .. ؟

يوسف : إي والله صاج آنا ما أَضحك وايد حياتي تعاسه بتعاسه

جـــراح : أفا ليش .. ؟

يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني جني خدامه مو بنتهم

جـــراح : كل هذا فيج

يوسف : وأكثر من جذي

جـــراح : تصدقين ودي أسمع منج وايد سوالفج ما تنمل بس آنا الحين لازم أروح .. ممكن طلب ..؟

يوسف : تفضل

جـــراح : ميخالف أضيفج عندي بالإيميل هذا إذا ما عندج مانع

يوسف : والله مادري شقولك .. آنا ما أضيف شباب عندي

جـــراح : بس آنا مو من هالشباب وإنشالله ما تشوفين مني إلا كل خير

يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر

جـــراح : لا إنشالله ما تشوفين مني إلا كل خير

يوسف : عطني إيميلك وآنا أضيفك

جـــراح : أوكي هذا إيميلي .......... متى تضيفيني .. ؟

يوسف : إنشالله الحين

جـــراح : أوكي آنا طالع الحين تامريني على شي .. ؟

يوسف : سلامتك

جـــراح : أشوفج على خير إنشالله .. مع السلامه

يوسف : الله يسلمك


lililililililililili


فلم يوسف مشى على جراح المسكين



وجراح عاش بوهم

ويوسف ما تاب صار يسولف مع جراح كل يوم بالمسنجر

وطبعا يوسف للحين منتحر شخصية شيماء

وجراح المسكين عاش بأجواء الحب وتولع بشيماء

وطلب يشوف صورتها

والثعلب يوسف مضبط شغله

حط حق جراح صورة بنية حاطه شيله على راسها وهالبنيه حلوه وايد

وجراح لما شاف الصوره لا ليله ليل ولا نهاره نهار

خلاص إنفجر

الحب سيطر عليه من كل مكان

وصار ينفذ أوامر شيماء أقصد يوسف



وهالدقه اللي مسويها يوسف تتوقعون جم إستمرت .. ؟

ســـــنـــــة كـــــامـــــلـــــة

يوسف للأسف ما مل من هاللعبه

سبحان الله

جراح يبجي وما ينام الليل من كثر الشوق واللهفه والحنين اللي فيه

وينطر متى يصير باجر عشان يسولف ويا شيماء

أقصد الوهم



ويوسف الله يسامحه

ميت من الضحك عليه


lililililililililili


يوسف قام يحلي اللعبه

صار ما يشبك

وطبعا جراح المسكين قام يحاتي ويدز إيميلات

ويوسف ميت ضحك

جراح صار واحد ثاني

ما يطلع من بيتهم

كلا قاعد بداره

يتخيل صورة شيومه حبيبته

يتخيل سوالفها

دلعها

روحها الحلوه

ويبجي ويبجي


lililililililililili

بعد شهرين

شبك يوسف

وجراح طار من الفرحة

قال حق شيوم ليش ما تشبكين .. ؟ وشرحلها شوقه وحنينه

وقاموا يسولفون

جراح ما قدر يصبر

قال حق شيوم أبي رقمج بكلمج بالتلفون

شيوم إرفضت تدرون ليش .. ؟

لأن صوتها خشن

لوووووووووول

اللي أهو صوت يوسف هالتعبان اللي ما يستحي



فقررت شيوم إنها تواعد جراح

ودار بينهم هالحوار


جـــراح : حياتي يعني الحين شلون ماراح أسمع صوتج .. ؟

يوسف : حياتي لا تزعل روحك جذي .. أنا عندي فكرة

جـــراح : شنو .. ؟

يوسف : شرايك تشوفني .. وبجذي راح ناخذ على بعض أحسن من التلفون بألف مرة

جـــراح : من صجج إنتي .. ؟

يوسف : إي والله من صجي

جـــراح : الله وناااااااااااسة

يوسف : وآنا شبي غير وناستك يا بعد عمري

جـــراح : حياتي والله .. إنزين شيومتي أي مكان راح أشوفج فيه .. ؟

يوسف : ممم شوف الساعة 9 بليل بالحديقة شرايك

جـــراح : صار بس شنو راح تلبسين .. ؟

يوسف : ممم راح اكون لابسه شيله ونقاب وعبايه

جـــراح : وي وي وي ليش كل هالعذاب .. ؟

يوسف : حياتي عشان ما أبي احد يشوفني

جـــراح : أوكي حياتي صار


جراح طبعا ما يحتاي أوصفلكم شعوره

الأخ المسكين راح الصالون ما خلا شي ما سواه بويها

سنفرة وتنظيف بشرة وحلق وظبط شغله وكشخ

وراح الحديقه الساعه 5

ينطر الساعه تصير 9 عشان يشوفها

مسكين كل هذا حب .. ؟

قاعد ينطر وينطر

وأخونا الشيطون الثاني يويسف

رايح بازار فحيحيل يشتري دراعة وعباية وشيلة ونقاب



قرب الموعد

يوسف لبس الدراعة وتعطر من عطر حمامهم



ولبس الشيله والنقاب والعبايه

والأخ يعني صايد الحركة

راح كحل عينه

ههههههههههااااااااااي



صارت الساعة 9 بليل

راح يويسف الحديقه وقعد بالكرسي

نزل جراح من السياره وغرق روحه بالعطر المسكين

دخل الحديقه وقام يدور على وحده منقبه وعبايه

لقاها قاعده آخر شي

قرب صوبها

وبدأت ساعة الصفر



طبعا يوسف ما خلا عسل ما شربه عشان ينعم الصوت

هههههههههه

ومشت على جراح لعبة الصوت

لأنه منهمك بالحب ولا ركز على هالشغلات



ودار بينهم هالحوار


جـــراح : قوة

يوسف : قوتين يا هلا

جـــراح : إنتي شيوووم .. ؟

يوسف : إي آنا شنو ما عرفتني

جـــراح : لا أعرفج بس حبيت أتأكد

يوسف : والحين تأكدت .. ؟

جـــراح : إي بعد عمري تأكدت

يوسف : واااي على هالحجي الحلو

جـــراح : سمعيني شيوم آنا أموت فيج أحبج وااايد وااايد مستعد أذبح روحي عشانج

يوسف : بعد عمري لا تقول تذبح روحك .. سملة عليك

جـــراح : حياتي عفيه بكلمج بالتلفون

يوسف : آنا ودي أكلمك بس ماقدر ماقدر

جـــراح : ليش .. ؟

يوسف : تلفوني مافيه رصيد كلش

جـــراح : ههههه لا يا عمري آنا راح أتصل عليج مو إنتي

يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))

جـــراح : أوكي خلاص اليوم روحي إشتريلج كرت وعبي

يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام

جـــراح : ولا يهمج حياتي دقايق بروح أشتريلج كرت وأرد

يوسف : لالا مابي أكلف عليك

جـــراح : لا عمري لا كلافة ولا شي و إنتي مني وفيني


راح جراح يشتري كرت حق شيوم

وطبعا الأخ الفاضل يويسف

رفع النقاب

ويها عرق



قام يستنشق الهواء

وأهو ميت ضحك

شاف جراح ياي من بعيد

غطا ويها

وصل جراح

ودار بينهم هالحوار


جـــراح : هاج عمري هذا الكرت

يوسف : وي وي بعد عمري مشكور ما قصرت

جـــراح : أفا عليج جم شيومه عندي


يوسف ما قدر يستحمل

فصخ النقاب والشيله

وشوفوا شصار


جـــراح : يو يوس يوس يو يوسس يوسف .. ؟

يوسف : كاااااااااااااااااااااااااااااااك يالخرووووووووووووووووووووووووووووووف


lililililililililili


شنو تتوقعون موقف جراح ..؟

من بعد القصة اللي عاشها والسنة اللي خذاها بالحب والشوق والحنين

لشيماء اللي إطلعت وهم

وهالحب الوهمي اللي بناه وفكر إنه يوصل للزواج

كان لعبة من رفيجه

جراح إنصدم وظل واقف بمكانه ما يتحرك

ريوله تهتز مو قادره تشيله لما طاح وأغمى عليه

يوسف خاف على جراح وشاله ووداه المستشفى

وللأسف جراح ياله إنهيار عصبي وصار مينون وبظل طول عمره بالمستشفى



ظاعت حياة جراح ظاعت

ولو كانت شيماء حقيقة جان شفتوا حياة جراح

أحلى حياة لأن هالولد نيته شريفة وحب من قلبه

ويوسف كثر ماكان يضحك على جراح

صار يبجي ويبجي ويبجي

وحلف إنه ما يسامح نفسه طول عمره

لاكن بعد شنو .......... ؟؟


lililililililililili

لا تلعبون فيها مثل ما لعب فيها يوسف برفيجه جراح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبير
الاداره
avatar

عدد المساهمات : 48
نقاط : 55
السٌّمعَة : 30
تاريخ التسجيل : 06/06/2011

مُساهمةموضوع: رد: قصة جراح ويوسف    الأربعاء يونيو 15, 2011 11:25 pm

لا حول ولاقوة الا بالله
هذه نهاية المزاح الثقيل ... بصراحة كل شي الا اللعب بالمشاعر

رائعة فكرة القصة وهادفة

سلمت اناملك التي خطت لنا هذه الحروف الزاهية والصادقة
والنابعة من شخص مطلع ومثقف


دمت سالم
ولا عدمنا ما تكتب

_________________



كِلنْ ( سَألنيْ ) شَ فيكْ مِتغيرْه
وَ أنا قَسمْ بِ آلله , إنيْ عَلى حَآ آ آ ليْ
يَ نَٱسْ طَبعيْ كِذٱ مَنْ يُومْنــــــيَ صِغيّرٌه ‘
مَآٱحبْ ٱسُولَفْ عَن ٌمَآ يِدُورْ فِ (باليْ ) :] !
.
.



تحياتي الجميع الاغضاء ض1
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مجرد انسان
عضو فعال
avatar

عدد المساهمات : 465
نقاط : 11755
السٌّمعَة : 0
تاريخ التسجيل : 28/12/2010
العمر : 25
الموقع : بيت الغرام

مُساهمةموضوع: رد: قصة جراح ويوسف    الأربعاء يونيو 15, 2011 11:29 pm

بجد اصعب شي العب بل المشاعر الغير ومشكور على هل الموضوع ومنتمنى ما حد يلعب بمشاعر حد

_________________
[color=black][color=white][center][size=18]


عرفتك بسمه تمحو عذاب الايام


بين ضياعى و غيابى بين صمتى و عذابى

بين رحيل مضى و قلب يرفض من الحب اقترابى
بحثت كثيرا كى أرى بصيص نور
كى يعود قلمى للسطور

وجدتك أحببتك
رأيتك نورى بعد أيام الظلام
عرفتك بسمة تمحو عذاب الأيام

عشقتك و حين عشقتك
أدركت أن الحياة ما زالت جميله
و أنى قد استرحت بعد ضياعى أيام طويله
ظهر شوقى من جديد و انتهت ذكرى مآسى العليله

حين عشقتك

رأيتك نجمة فى سمائى رأيتك حضنا دافئا فى شتائى
وجدتك زهرة تعطر أوراقى نسيما بالشوق يملأ حياتى
لنستمر و نكون دائما يا عشقى و شوقى و دائى و دوائى


كلمات فوق كلمات حروف و ذكريات
أصوات تقول أن زمنى فى العشق فات
و أن حياتى قد تمر بين آهات و أنات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amyrlove.own0.com
™ـاô§…»المحمودي«…§ôلـ™
عضو ذهبي
avatar

عدد المساهمات : 237
نقاط : 245
السٌّمعَة : 30
تاريخ التسجيل : 09/06/2011
العمر : 27
الموقع : السعوديه

مُساهمةموضوع: رد: قصة جراح ويوسف    السبت يونيو 18, 2011 1:52 pm

يعطيك الف عافيه على الموضوع الهادف
و الرائع و ننتظر جديدك
afro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة جراح ويوسف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ҉ਿ°●φ¸¸.» الـحوار العامـ«.¸¸φ●°ੀ҉ :: ҉ਿ°●φ¸¸.»ج‘ـدَلْ ~| لــنقآش وحوُآر هآدئ«.¸¸φ●°ੀ҉-
انتقل الى: