[right][left]
"بسمـ الله الرحمـن الرحيمـ "
السلام عليكم ورحمه الله
مسائكم .. صباحكم ورد أبيض مشبع بقطرات الندى
أتمنى كل حبايب قلبي بخير وقلوبهم بخير
طبعآ الجزء الثاني كنت بتكلم فية .. كيف نفكر إيجابيآ لما تواجهنا أي مشكلة
بس بنات كثير طلبوني أتكلم عن الخجل عشان كذا غيرت الترتيب
الجــزء الثانـي " لاتخجــــلي "
البنات ألي يعانون من الخجل الاجتماعي
أول شي لازم تعرفينه ان سبب خجلك الزايد هو قله ثقتك بنفسك
لاتقولين انا ثقتي بنفسي معدومه ( انا بوجه نظري مافيه انسان بالدنيا كلها ثقته بنفسه معدومة ..
كلنا واثقين من أنفسنا بس أوقات تكون هالثقه ضعيفه مره وتحتاجين تقوينها أكثر وأكثر )
أفضل طريقة أنك تتخلصين من الخجل أنك تواجهينه .. خليك قويه وواجهي مشاكلك بنفسك
لاتنتظرين أحد يجي يعلمك انتي علمي نفسك .. كل ماتعلمتي وكل ماتجاوزتي مشكله بتصيرين أقوى وبتزيد ثقتك بنفسك
مو كل وحده فيكم تحط يدها على خدها وتنتظر أحد يجي ياخذها من يدها ويعلمها
لاتنتظرين عصا سحريه تجي تبعد الخجل عنك
كوني انتي نفسك العصا السحرية الي بتسوي كل ألي تبية
ثقي بنفسك .. وثقي بنفسك .. وثقي بنفسك
الأماكن الي تخافين تدخلينها ادخليها وانتي رافعه راسك
قولي بنفسك انا أقدر أنا واثقه من نفسي حدثي نفسك حديث إيجابي (أعطي نفسك رسائل إيجابيه)
إسألي نفسك ليه أخجل كل الناس مثلي .. مافيه أحد أحسن من أحد
خلي عندك قوه إراده .... قوه الإراده تخليك تسوين أي شي تبينه وتغيرين بنفسك مثل ماتبين
أهم شي قوي إرادتك وتوكلي على ربك
لاتمشين بين الناس وانتي تناظرين تحت هذا راح يزيد حالتك سوء
امشي وانتي تطالعين قدام ... ناظري بوجيه الناس وبعيونهم هذا كله راح يساعدك
في إنك تتخلصين من الخجل
إرفعي راسك .. إرفعية فوق .. طالعي بكل ألي حولك
أول شي أبدأي طالعي بأي شي حولك .. بعدين أبدأي طالعي بوجيه الناس وبعيونهم
ركزي على عيونهم كثير .. ماعليه ممكن تتعبين بالبدايه .. بس خليك قويه واتحملي
طالعه مره ونزلي عيونك مره لين تتعودين .. وتصيرين ماتعرفين اساسا تخلين عيونك بالأرض
الأماكن الي تخجلين تدخلينها لأنها مزحومة ناس
قوي نفسك وادخليها ولاتقولين ماأقدر .. مافيه شي اسمه مستحيل
راح تقدرين بس بالبدايه راح تخافين وبعد ماتدخلين شوي يروح كل شي وماتحسين إلا وأنتي بنص الزحمه
تعرفين كيف تنسين نفسك .. إنسي نفسك وادخلي ولما تصيرين بنص الزحمه
قولي بينك وبين نفسك انا اقوى أنا واثقه من نفسي أنا مثلهم مافيه احد احسن من أحد
قولي لنفسك .. ماعليه راح أتعب أول مره وثاني مره وثالث مره بس بعدين راح أرتاح كثير
لاتقولين الناس كلهم يناظروني .. هذا يتهيأ لك
ركزي زين بلي حولك وشوفي الناس راح تلاقين كل شخص مشغول بشي
وماحد شايفك .. هذا كله بس يتهيأ لك بسبب خجلك
كل مره تقولين فيها .. انا استحي .. أنا اخجل .. انا ماأقدر .. راح تخسرين ثقتك بنفسك شوي شوي
لاتقولين أنا مااعرف أتكلم .. مافية شي أسمه مااعرف أتكلم
فيه بعضكم يقول لي لما نجي نتكلم نستحي ونتلعثم بالكلام .. مو مشكله راح تتلعثمين كثير بس عادي
اهم شي خليك قويه .. مع الاستمرار راح يروح كل هالتلعثم وراح تلاقين نفسك تتكلمين بطلاقة مره
وسالفة إحمرار الوجة ألي اغلب البنات يعانون منها .. تعرفين وش تسوين فيها
إنسيها .. إنسي ان وجهك يحمر لما تتكلمين مع أحد ماتعرفينة
حتى لو حسيتي فيها تجاهليها .. لما تتجاهلينها شوي شوي راح تخف عنك كثير مره
اول مره بيحمر وجهك وثاني مره وثالث مره يمكن لعشر مرات
بس بعدها يبدا يخف شوي شوي .. وراح تلاقين نفسك جريئه أكثر وواثقه أكثر
لما تتكلمين مع أحد وتحسين بحراره وجهك .. مو تقولين يالله وجهي وماأدري شنو
خلاص انسي .. قولي بنفسك عادي واذا يعني حمر وجهي
لما تبين تسألين أحد غريب عنك عن حاجة وتخافين مره وترتبكين وتحسين جسمك كله يرجف
طبعآ أسهل طريقه أن يوقف كل هالألم انك ترجعين ورا وتعطينه ظهرك وتروحين بسبيلك
وهاذي حلول الناس الضعيفه وأنتِ مو ضعيفه أبد
أنتي قويه بس تحتاجين وقت .. تحتاجين تدربين نفسك شوي شوي
ادفعي نفسك بقوه .. تعرفني لما أحد يجي من ورا ظهرك ويدفك دف ..
انتي ادفعي نفسك بيدك .. بثقتك بنفسك
أقري كتب عن الثقه بالنفس .. عن الخجل الاجتماعي
ماأقول لك أقري الكتاب من الجلدة للجلده .. لا إقري لو صفحتين ممكن تعلمك شي وتفيدك وتقويك
وممكن تلاقون طرق تتعلمون فيها كيف تتخلصين من الخجل
أحس أني كثرت كلام مره وأنا ماأحب المواضيع الطويله
فاأي استفسار بنات إكتبوه هنا وأنا راح أرد عليكم
ومشكله أخرى ..